daivame ninte sneha sagaram lyrics | ദൈവമേ നിന്റെ സ്നേഹസാഗരം

ദൈവമേ നിന്റെ സ്നേഹസാഗരം
എന്നിലേക്കൊഴുകേണമെ
ഹൃത്തിലെ തിന്മയൊക്കെയും മാറ്റി
ശുദ്ധമാക്കിത്തരേണമെ

ദുഃഖമെന്‍ ചിത്തഭൂമിയില്‍ വര്‍ഷ
മേഘമായ് പെയ്തിറങ്ങുമ്പോള്‍
സാന്ത്വനത്തിന്റെ കുഞ്ഞുതെന്നലായി
എന്നെ വന്നു തലോടണെ

നിത്യവും എന്റെ ചിത്തവീണയില്‍
മുഗ്ധരാഗമായി എത്തണെ
സത്യരാഗത്തിന്‍ ധര്‍മഗാനങ്ങള്‍
പാടുവാന്‍ കഴിവേകണെ

കൃഷ്ണ ക്രിസ്തു നബികളൊക്കെയും
ഏകമാണെന്ന സത്യത്തെ
ഹന്ത ലോകത്തെ ബോദ്ധ്യമാക്കുവാന്‍
ജ്ഞാനമേകൂ സര്‍വ്വേശ്വരാ