paalthira paadum lyrics in malayalam

പാല്‍ത്തിരപാടും വെണ്‍തീരത്തിലാണോ
കാലങ്ങള്‍ പായും മണ്‍പാതയിലാണോ
കാലടി പാടുകള്‍ വെളിവായി
നെറുകില്‍ അണിയാന്‍ കൊതിയായ്

ഓര്‍ക്കാതെ കണ്മുന്നില്‍ നീ വന്നൂ
കാണാതെ കേള്‍ക്കാതെ ഞാന്‍ നിന്നൂ
അരികെ അരികെ
പ്രിയനേ നീ ഉണ്ടെന്നാലും
പാല്‍ത്തിര പാടും വെണ്‍തീരത്തിലാണോ
കാലങ്ങള്‍ പായും മണ്‍പാതയിലാണോ

ആളുന്നിതോ ഉള്ളിലെ നാളം
മൂടുന്നിതോ കണ്ണിലീ മൗനം
വേറെങ്ങോ പോയി അലിയാനറിയാതെ
ചേരുന്നിതാ കടലേ നദിയായ്
ഞാന്‍ പിറകെ പിറകെ വരവായ്
പിരിയാന്‍ കഴിയാ നിഴലായ്

പാല്‍ത്തിര പാടും വെണ്‍തീരത്തിലാണോ
കാലങ്ങള്‍ പായും മണ്‍പാതയിലാണോ

ദൂരങ്ങളില്‍ കാറ്റുപോല്‍ പാറി
സ്‌നേഹത്തിനാല്‍ മഞ്ഞുനീരായ് നീ
ഞാനിത്ര നാള്‍ അറിയാ കുളിരെ നീ
വാതില്‍ക്കലായ് വിരിയും മലരായ് നീ
കരളിന്‍ ചിമിഴില്‍ പതിയേ
പകരും മധുവായ് നിറയേ

പാല്‍ത്തിര പാടും വെണ്‍തീരത്തിലാണോ
കാലങ്ങള്‍ പായും മണ്‍പാതയിലാണോ